有冇試過俾學校逼去宿營?

論壇註冊
標題版主--
訂閱上一篇下一篇
中學記者 24-06-200408:32 pm#1



大家有冇試過俾學校逼去宿營?幾年班?
去幾耐?分享一下

我小六時試過,去五日四夜,
當年小六畢業camp,九成同學去,
得十幾個(包括我)唔去,
條校長就親口「游說」呢十幾個同學去,
結果其他個個就範,得我一個知道乜事,
校長都啋佢都傻,企硬唔去,結果............



這篇文章最後被 中學記者 在 24-06-200408:50 pm 編輯
中學記者 24-06-200408:32 pm#2



上一次,我去女童軍個露營 都係被迫咯!!!
Poor!!!!!
中學記者 24-06-200408:33 pm#3



Guest,
我想知最後點樣!
中學記者 24-06-200408:33 pm#4



校長叫到,我都仲回返張剔「唔去」既回條去,
條校長居然打電話去我屋企煩我阿媽,
加上我阿爸又唔知發左乜野神經,話去下好(原本佢好反對架),
結果味逼左我去囉....
而呢件事,亦困擾左我成個小六

其實對於好多人,尤其小學生o黎講,
有得去幾日camp,唔o係屋企又可以同一大班同學玩,恨都恨唔到啦,
點解我反而會咁抗拒呢?

因為我唔同佢地一般見識,
我唔會咁膚淺咁只睇表面,
我知道,平日返五個幾鐘半日制小學,
已經無限痛苦、委屈
仲要我對著D衰先生衰同學連續幾日幾夜?傻架?!

而到而家我廿幾歲人睇返當時,係好多野都好幼稚好白痴,
但當時我堅持唔去camp既決定,我至今仍然覺得絕對正確,
只是,一個十一歲小孩,沒人權、自主可言........

順帶一提,當時係唔使著校服既,
但我唔知道(因為我根本冇心機聽校方講去camp既野,
我只係想o個日落大雨/打大風/大地震/世界沒日!),所以第一日返學校集合時,
我係唯一一個著左校服返去,一度又淪為笑柄,
不過都冇所謂了,反正佢地去camp我去camp,
我預左去受靶
中學記者 24-06-200408:33 pm#5



但係甚實真係應該係開心o既事o黎o架,
點解你會咁諗o既?
係咪你以前同d同學同先生o既關係唔好?
所以你咁唔鍾意佢地哩?!
中學記者 24-06-200408:33 pm#6



Francoi:
我味講左咯,冇錯對好多人o黎講,
去camp係開心既事,但我就係例外,
因為平時返學已受氣太多,
先生氣又有,同學氣又有。
亦所以咁,雖然我既中小學母校至今仍健在,
而我又有睇呢個網,但我從無登記過校友資料。
當年亦冇俾記念冊同學寫(人地俾我寫就仲有幾個既)。

反而如果唔過夜,淨係日營就冇所謂
而我之後幾年既六年班,因為母校租營地問題,
無法攪幾日幾夜既畢業營,只能日營了事,
我都不知幾羨慕,就算唔講o個幾日既事,
至少唔使為呢樣野煩足成個小六。
中學記者 24-06-200408:34 pm#7



去camp, 其實都唔錯~ 少先至珍貴~
我以前小學都無呢樣活動.
到中學至有, 每年都有一次褔音camp, 因為人數有限, 所以唔係人人都去到,
不過會當一次科外活動分. 我中學階段, 只去了三次, 我覺得最特別係中四那年,
叫"working camp", 自己帶睡袋, 自己帶著學校供應的帳篷, 目的地係浪茄. (去
過既人都知, 無車可以到達, 要行一段山路和一段長梯級). 真係特別既回憶 : 室
外露營; 冬天用冷水洗澡; 飯後去洗(全人類的)碗(當然係輪住做); 男孩子要上山
取柴; 用大鑊煮的蘿宋湯, 真係好好味.
中學記者 24-06-200408:34 pm#8



話時話,大家去學校攪既camp時要唔要洗碗既?
要既話,又係咪淨係男/女仔要洗?
中學記者 24-06-200408:34 pm#9



我有呀, 係去camp~
中學記者 24-06-200408:34 pm#10



Guest哥哥...
我係另一個Guest...
好多人話睇野好灰...
不過我覺得你仲灰過我...
你有冇自己撿討下點解同其他人關係咁差?
人係群體動物你冇可能一世一個人架喎
中學記者 24-06-200408:34 pm#11



有呀,
係咁渣
我地全班都被班主任迫去camp,
miss話去camp一定要自己煮飯,
洗廁所,
仲有朝早到晚都要行山,
行死人啦,
唔通我地就黎累死啦,
唔洗訓教咩
中學記者 24-06-200408:50 pm#12



to Moon,
以你所言, 你應該還未去miss所指既camp, 你要去過先至知係唔係真.

其實係讀書時去既camp係好好玩, 畢業後都會冇咩機會去, 就算有都唔會o甘好玩, 因為人都唔同o左, 玩既野都唔一樣.
中學記者 24-06-200408:50 pm#13



其實去camp係一個好好既回憶, 當你過左十年8年既時候, 你搵返以前d 同學傾呢d野會係幾好feel.

當大家畢左業, 1d就要返工, 一d就要讀書,好難再會夾到個時間一齊去camp.
我覺得, 去camp冇得逼, 你唔去, 冇人逼到你.
顯示 13 個結果,以上為 1 - 13
1

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄