我有一位鬼朋友~

論壇註冊
標題版主阿樂
訂閱上一篇下一篇
阿樂 19-11-200402:00 pm#16



阿樂有位鬼 ... 佬朋友!
鹹魚 19-11-200403:28 pm#17



咁你位鬼...朋友有咩料可以爆先
無鬼料到就唔好鬼同佢講咁鬼多喇
Jacqueline 21-11-200408:21 am#18



如果有呀,我都想認識下呀!
 21-11-200411:15 am#19



你們有沒有真的遇見過鬼啊?
鹹魚 21-11-200404:37 pm#20



有。。。。。。。。。。。。。。又點﹖

你又想見
鹹魚 21-11-200404:37 pm#21



是有的。
伽伽* 21-11-200405:44 pm#22



@0@...
真啊..?
但係唔會好似有d唔知點gum咩...?
鹹魚 21-11-200408:45 pm#23



你要知幾驚嚇o既版本先
 22-11-200409:59 am#24



我在這裡,,,已看到一隻好厲害的鬼啦~
現實中我也看過啦
鹹魚 23-11-200406:03 pm#25



嗱,咪話我齋講,呢度醒個親身經歷嘅故事比大家聽...

"城門水塘的膽小鬼"(上集)
那一年是中四,我係班裡面嘅康樂部長,因此在上學期尾舉辦左一次班旅行,地點係城門水塘,點解一班港島嘅學生要去山遙路遠嘅城門水塘呢?除左因為風景好之外,最緊要係城門水塘有好多乾沽左嘅水道,各位可知道日本人侵佔香港嘅三年八個月,傳說有好多人遇害,死在防空洞,和一些隱密嘅地方,例如水道之類啦,所以我地決定去一探城門水塘,於是天不怕,地不怕嘅4A班就咁拉隊成行。

去到之後,當然係食BBQ同煲糖水飲啦,到下午兩點幾就係戲肉:深探水道。。。

我係發起人,當然帶頭行第一,跟住係班長大哥雄,之後就男男女女十個人,最後包尾係亞榮,因為佢有童軍經驗,就算有咩事都可以帶返大家出來(咦,咁數法咪十三個人入去?應該真係十三人),其他另外有幾個話唔想入去,就留守食物。

嗱,嗱,嗱,在此警告各小朋友,唔好見人去探水道,就又有樣學樣,須知道要留意水道是否棄置,最近有無落雨,水道是否通風,唔係嘅話,死左都唔知點解,明年今日就多個鬼故,話有鬼上都會fourm引人入水道困死,做左替死鬼!

既然有當童軍嘅亞榮,當然好易檢查水道是否可以進入,結果成三點先至入去,事先已經同大家講好,若入到太深,空氣不足就要立刻返轉頭,講左咁耐,大家出發!

水道係圓形,高度只得四呎,所以每個人都彎腰同拎自己枝電筒,每人只係睇到前面個人嘅下半身(班衰仔都”恨”左呢個機會好耐),我地行左大約兩分鐘,轉左一、兩次方向,當然重未有咩發現,只係因為已經深入水道,任何小小聲響都會造成很大回聲,所以大家都很安靜地前進,靜到每人只係聽到自己嘅呼叫聲。。。
鹹魚 23-11-200406:05 pm#26



故事太長,...

"城門水塘的膽小鬼"(下集)
突然,我想起一件好重要嘅事,就係在密封地道行走時,隨後行者,必須留心前面可能揚起沙塵,特別係彎腰行走,係好容易吸入沙塵,有好幾單cases都係兩個工人落地下通道修理電線之類,重開哂通風機,後面個行行吓都會仆低,就係因為吸入前行者揚起嘅沙塵,當然啲塵係地道曾經有化學品留低,乾左之後嘅結果,當我有呢個念頭,就擰轉頭預備同大哥雄講,一擰轉面,大哥雄突然面色轉青,跟住由細至大,發出一聲見到鬼咁嘅長叫,亞榮果然係童軍出身,一聽見前面有異響,即刻作出緊急撤退,跟住佢嘅十個人轉頭就走,大哥雄追住走出去,一路走,一路好似鬼上身一樣慘叫,我就包尾出水道,我諗兩,三分鐘嘅路,比我地大約九秒九走完.

出到嚟,個個除左我同亞榮之外都嚇到面無人色,連守食物啲人,都聽到水道先頭咁慘烈嘅叫聲,嚇左一大餐…定一定神之後,問返大家究竟見到咩野,原來大家都無見到野,大哥雄見我突然擰轉面,以為我見到咩野(呢,o個啲野呢),於是驚起上嚟就發出一聲好似撞見鬼一樣嘅慘叫,亞榮就基於童軍本能,一聽見有野唔對路,就先撒退到安全地帶,等清理左困在水道嘅人,然後再返轉頭,中間十個人因為聽到大哥雄嘅慘叫,同殿後嘅撤退,就個個當係自己撞見鬼咁走返出去,而大哥雄首先見我擰轉頭嚇左一驚,再見啲人見鬼咁急撤退就驚上加驚,一路走一路叫,雖然未見到真鬼,但係個個都覺得剛剛在水道裡面嘅驚嚇度同突發性刺激,同真撞鬼一樣,再問有無人肯入去探險,個個都唔肯,終於太陽落山就收隊回家,4A班嘅探險就此結束.

 25-11-200402:09 pm#27



呵呵,,,,好攪笑,,,,看到一半時,,還以為你們真的遇到鬼...原來這樣~
鹹魚 25-11-200403:05 pm#28



真正遇見鬼(係真鬼魂,唔係鬼佬,鬼婆,或者假鬼)係好多年後去巴黎公幹時,
遇到嘅係斷頭台行刑死嘅鬼魂,地點係一間古堡式嘅酒店房間內....
o個次個法國人 manager 專登比我去o個間古堡式嘅酒店住,
話去食野同過去羅浮宮都方便,試過o個次之後,
都係住返現代式酒店穩陣啲


這篇文章最後被 鹹魚 在 25-11-200405:03 pm 編輯
 28-11-200412:57 pm#29



鹹魚~看完你的遇鬼的經歷,將來旅行也不敢挑選古堡式嘅酒店住。你看見的鬼魂是黑色的,還是感覺好像人一樣? 我也曾經在地鐵內遇過鬼....
顯示 32 個結果,以上為 15 - 28

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄