女廁內的歌聲

論壇註冊
標題版主阿樂
訂閱上一篇下一篇
中學記者 22-06-200407:30 pm#1



初中0既某一個暑假﹐我同一個朋友(女仔)0係閒日0既下午逛市中心廣場。
下午兩點零鐘0個段時間廣場好靜﹐我地兩個行去一條偏僻寂靜0既走廊0既一個女廁。
入到去﹐我冇刻意睇0下廁所堶惘傖N人﹐不過下意識知道應該係冇人0既。個廁所都幾大﹐大概有五、六個廁格左右﹐我入0左廁所左面方向0既廁格﹐朋友就入0左右面方向0既廁格。當大家「辦緊事」0既時候﹐忽然聽到有把女聲哼0左一句歌﹗哼乜0野歌我唔知﹐不過旋律幾輕鬆愉快﹐而0個把聲係一把好正常﹐好典型0既年輕女人聲﹐音量大到0係成個廁所0既每一個角落都可以聽到。我同我朋友平時都好鍾意一齊唱歌0既﹐所以我當時冇大驚﹐只係覺得有D奇怪咁心諗﹕「咦﹖﹗點解佢把聲同平時唔同0既﹖﹗」而且0個把聲好「立體聲」﹐好似圍繞住成個廁所咁﹐但係又好似係由我朋友0個邊(右面)天花板咁高0既地方傳0黎。我心有不安﹐所以冇向右上方望(好彩冇咋﹐如果唔係真係唔知會睇到D乜﹗﹗)。
當我出廁格0既時候﹐朋友一早已經洗完手企0係度等緊我。我地冇講0野﹐我亦一直都冇望佢。當我心如止水咁洗緊手0既時候﹐佢突然開口講第一句說話﹐望實我煞有介事咁話﹕「喂﹐頭先係咪你唱歌呀﹖﹗」嘩﹗我個心即時好似下陷0左咁呀﹗﹗個廁所出面好大雜音﹐而且只得一度門﹐所以有冇人開過門入0黎或者出去我地實知﹔佢咁問得我﹐就一定係已經睇過廁所堶悼穧傖N人啦﹗我當時驚到唔敢望鏡(因為驚睇到D恐佈0野﹗)﹐我唔想嚇親佢﹐又驚0個隻0野會見我地越驚越要走出0黎嚇我地﹐所以我保持住原有0既平靜﹐連望都冇望佢就話﹕「出去先講。」出0左廁所﹐我至敢細細聲話﹕「快D走﹗」然後大家手拉手﹐有咁快行咁快呀﹗
中學記者 22-06-200407:30 pm#2



你好勁ar~~~~咁都可以咁冷靜,如果俾我就實驚到傻
中學記者 22-06-200407:30 pm#3



處變不驚﹐好0野﹗我覺得遇到呢0的0野0個陣最緊要係保持鎮定﹐扮哂若無其事﹐攪到佢無癮佢就唔會再攪你﹗
中學記者 22-06-200407:30 pm#4



well if u can really do so.......
中學記者 22-06-200407:30 pm#5



Well﹐點解唔得先﹖﹗成隻[貞子]咁彈出0黎就話驚0者﹗﹗我就覺得[眼不見為乾淨]﹐佢唔係惡意要嚇死我0既﹐都應該唔會恐佈得去邊0既﹗
Toby,乜你唔係反鬼神0既咩﹖﹗你以上0既回應似乎係認同0左呢個世界上確實係有呢D0野0既在喎﹗
顯示 5 個結果,以上為 1 - 5
1

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄