甚麼是神？

大家有無諗過甚麼是神？
我認為神本身係一重信念。
是一種認為有人在背後幫助你的信念。
這重信念很重要，因為沒有這信念，人會變得很失落，會想尋死(因為走頭無路)
大家認為哩？



這篇文章最後被 中學記者 在 12-09-200405:33 am 編輯

以前有個朋友都同我講過，
信神唔係一種選擇，而係一個必需。

我諗好多有信仰既人都會認同，因為冇左個信仰佢地會覺得人生冇晒意義。
但係對於無神論既人黎講，就唔會... 或者我會話未必認同，因為好多無神論既人都覺得人生只係為左等死。
咁如果人生只係為左等死，消極既人咪會乜都唔做囉，橫又死掂又死。
積極既咪會好努力，要活得精彩，或者死後留名。

神係真既話當然唔只係一種信念。

我本身係信基督教既﹐對於我黎講﹐任何教都係一個人類既避難所。因為人睇得太多反面既野﹐對世界失左信心﹐好自然想知道世界以外既野﹐想有個可以無時無刻可信靠既地方。人始終都需要一個休息站﹐好運既人﹐會"穩"到自己既另一半作為依靠﹐而對另一半無信心既﹐會想有另一個更安定既地方。

搵 = 手田人廿

我反而覺得係人對世界失左信心，所以只係見倒 d 反面既野。

咦？呀明唔係基督徒喎...hmm......

死仔﹐想玩離間﹐哈

我都知佢係基督徒﹐我覺得成個世界都係有一個主宰﹐但係我地就唔同地方﹐唔同民族就比左唔同名佢﹐我覺得乜野宗教都係叫導人向善﹐再加上最緊要唔好走火入魔﹐同一定要學識點去尊重人地宗教先係最緊要。

我都覺得係~~~
因為咁，我先無刻意去信一個教~~~
我認為， 唔同教有自己一套想法，
套套唔同，是真是假無人知，
我淨係相信世上有一個神，主宰世上，
咁就可以喇。
我有事求佢，無事傾偈，
都唔知幾好~~
咁唔代表我精神失常，因為我唔會做傻事，
唔會殺人放火，偷呃拐騙，
我咁將心事講著出哩，可能會諗到新方法解決，
心情轉好，大家試試無妨~~

hmm......我埋解唔倒你地點會覺得世界上只係得一個神...
可唔可以詳細少少解釋一下？

少少修改
有冇聽過一個比喻？
如果你生 Cancer... 好快就要死，
咁你面前有十個人，個個都係好專業既醫生。
但係你知道其中有一個醫生以前亦曾經患過 cancer ，亦能夠醫好返佢自己，

你只係得一次機會，信錯醫生你就會死。
咁你會搵邊個醫生？

用醫生黎做比喻我覺得就幾難講﹐因為我講過﹐一個主宰﹐呢一個主宰只係別人比唔同名佢﹐
咁的話﹐無論佢係乜野角色出現都係想人好。所以我覺得晌咁多個好人中揀一個好人﹐唔係難事丫﹖

唔該Gideon甘有心機教我打個搵字﹐但係我用粵語同國語拼音輸入架﹗我唔識倉頡架﹗所以都係打唔到﹗
0意﹖係窩﹗你提一提我添﹗阿明唔係基督徒窩﹗甘點算呢﹖但係佢係咪基督徒有問題咩﹖講到我地關係甘曖昧架﹗
醫生個比喻﹐我想知我當時知唔知邊個係個患過癌症既醫生先﹖如果唔知﹐甘我揀等死﹐如果知﹐我會揀佢囉﹗

我會同d醫生傾下偈，再決定信邊個~~

呀明，個個醫生都係想救人，但係佢地能力救唔救倒又係另一個問題。
係，無論你點揀，你揀既醫生都會係好人，個醫生都係想救你，
但係佢未必救倒，因為佢無能為力。

同樣，所有"神"都想人好，但係邊個有能力令你死而復生，又係另一回事。

黑社會大佬個個都真係想住佢 d o靚，
但係有冇料到，照唔照倒就要睇佢又幾有錢同有幾多馬仔。

>>一個主宰﹐呢一個主宰只係別人比唔同名
其實呢個理論行唔通。
如果係同一個主宰，佢地教同叫人做既野應該係一樣，
唔會一個叫你成日去燒香拜神，另外一個就唔俾你去拜神。
一個就講有報應，一個就講冇報應。
如果講 make sense ，我覺得滿天神彿仲可信。

你地仲未講，點解會覺得呢個世界只係可以得一個神？

小藍，"搵"國語拼音係 wen 第四聲....同廣東話同音喎，你眼大睇過"龍"者....冇埋由唔識打。
醫生個比喻，你當然係知道邊個係患過癌症既醫生。
曖昧？係你曖昧o者，人地好鬼"明"耶

Elaine，你想傾乜野？
佢地個個都係好專業既醫生，你問咩佢地個個既答案都會係一樣。


這篇文章最後被 中學記者 在 11-08-200504:05 am 編輯

Gideon:
又真係好鬼明窩﹗又係幾叻窩﹗哈哈﹗你拼出黎個音係“問”字黎架啵﹗但係又俾我見到“搵”﹐嘻嘻﹗唔該晒﹗甘個“佢”字點打呀﹖
你用黑社會個例子黎形容宗教甘搞笑既﹖耶穌夠多“馬仔”啦﹗而且好多仲好有錢添﹗個個禮拜都“十一奉獻”架﹗甘夠無人可以肯定耶穌就係個真正既主宰啦﹗其實我諗係見人見志﹐信則有﹐不信則無囉﹗

Elaine:
人地黎救你窩﹗俾你揀埋醫生﹐你都仲要同人飲啖茶食個包先﹖有乜可以傾呀﹖感情定係屋企﹖

"佢" 字應該係 ju 。我以前都係用大陸拼音打字架，不過真係好耐之前喇，所以唔記得。
廣東拼音就一 d 都未用過，所以一 d 都唔識。

基督徒都唔肯定耶穌係真正既主宰？
小藍你講緊 Church of Christ 定係其他異端？
基督徒唔信耶穌... 係咪即係同老婆餅都唔係用老婆整一樣咁解？ =P

菠蘿包無菠蘿﹐就正如雞尾包無雞尾。馬騮"mit"無馬騮﹐又或者煲仔飯無仔甘解囉﹗哈哈﹗
我無話我唔信﹐只不過我從來都唔同人拗有無神呢樣野。我信還信﹐都會尊重其他人既諗法既。而且我都唔係一個好既基督徒﹐除左陪媽咪﹐都唔返教會既。

我覺得神係創造萬物﹐人類O既生物。
請按這裡

呢條 link 講O左生命無啦啦自己彈出黎O既機會係好接近零﹐或者話﹐以現今科學黎睇﹐根本無可能。

聽過個比喻話﹐放一大堆手錶零件落洗衣機﹐係咁轉係咁轉﹐會唔會轉到隻手錶出黎﹖我就唔信喇﹐呢個都係我信世上有造物者O既原因。