點解只係可以得一個神?

論壇註冊
標題版主
訂閱上一篇下一篇
中學記者 22-06-200406:40 am#1



有冇人知道點解呢個世界一係就冇鬼冇神,
一係就只係可以得一個全能既神?
好似真係有得解架.....

唔知答案,都歡迎俾任何意見。



這篇文章最後被 中學記者 在 22-06-200406:53 am 編輯
中學記者 22-06-200406:40 am#2



首先: 信冇鬼冇神係乜野人? 信只係可以得一個全能既神又係乜野人?
如果答到就會迎刃而解
中學記者 22-06-200406:40 am#3



依我理解信冇神冇鬼者乃無祌論也
信一神者乃基督教,天主教,Islam , Muslam
而滿天神佛者... 恕我直言
乃迷信者也。
中學記者 22-06-200406:41 am#4



我既信仰係有神, 但係我唔信有靈魂. 其實我都知好矛盾.
因為可能係怕死啦. 信者得救, 幾歹都信. 不過其實心存咁諗. 可能已經冇得救.

至於係咪滿天神佛, 我覺得係如果真係有人乜都拜. 我覺得佢直情係學你話齋 "迷信".
至於我對宗教既睇法係. 可能所有教. 都係指緊同一個神. 即係果個全能既神. 以前聽過一個比喻.
人, 蟻, 狗, 鳥. 四樣野, 分別去望台上一個汽水權. 都有不同的 Feel. 鳥會當佢係平台, 蟻會望佢係一座山 etc..

其實佢咪一樣係同一個汽水權.
中學記者 22-06-200406:41 am#5



你意思係唔信有靈魂係呢個世界上(即係鬼)
定係唔相信人死之後有靈魂?

如果你唔相信人死之後有靈魂,
但係又相信有一個神係你死後能夠救你既靈魂上天堂...
咁又係幾矛盾....

唔係既.. 講明信者得救嘛,冇話過有咩附帶條件
但係知道要信咩先得救喎
好似三為一體....救恩... 三日後復活....

我都有諗過你個比喻。佢地話人就好似"鳥"咁,
你點解釋隻鳥都唔會明白咩係汽水權...

所以我就唔明,神整到我地人咁蠢,分唔倒邊個係真既
就係因為咁所以有 d 人話個垃圾筒汽水權
有 D 人話車係汽水權...始終都唔知邊個係真
咁點解估岩左邊個真係汽水權既人就得救,
估錯左就 go to hell ?
唔係好公平喎。


這篇文章最後被 中學記者 在 11-08-200504:01 am 編輯
中學記者 22-06-200406:41 am#6



我信有神係本住 "寧可信其有, 不可信其冇" 既心態.
信左先買左保險. 但係本心以言, 我係偏向唔信有神.
咁 ie. 冇神就 = 冇鬼.

首先我提出係一個人點解話信左既話死左上天堂呢.
我相信個原因係, 一個人信左心地祥和左. 就係因為佢地信佢地先會堅信佢地一定得救. 咁死自然會冇恐懼. 自然會好安祥咁死去. 就係所謂既去得安樂. 相反一個人死充滿恐懼, 自然死狀都有 D 恐怖. 又或者唔眼閉. 比人感覺就係好猙獰. 其實跟本死左之後做左乜, 去左邊冇人會知.

咁至於你話分唔倒邊個係佢. 咁可能其實任何教既最大果個神都係同一個神. 佢地既講既都係符合某一個條件就得救. 每一個教既目的大部份都係導人向善. 所以我覺得, 佢地所指既得救, 就係安祥咁去世, 沒有恐懼. 正如憎人所講, 四大皆空. 跟本冇野憂慮, 咁圓寂時自然都會去得自然啦?

有人話問米婆係好準, 不過我未試過亦唔會去試.
始終係聽返黎唔可以作準. 講鬼古既人永遠都係話係真人真事咖啦~ 哈哈
以上係我對宗教既個人睇法, 大家又點睇呢?
中學記者 22-06-200406:41 am#7



佛教係無神論
印度教係多神論.......
Islam同Muslim根本係一樣(宗教-信徒)
中學記者 22-06-200406:41 am#8



我好同意你既睇法。因為我好多時都係咁諗。

hmm 總括你既意思... 你覺得上天堂既意思即係安祥咁死去,係咪?
安祥咁死去既意思應該只係安祥咁死去...
上天堂應該係個靈魂去左一個完美既地方.. 個度既人唔會唔開心,唔會冇野食....

hmm..... 所以你覺得信既人只係會得到死個一刻既安祥,
但信仰並唔能夠帶到佢地上天堂。我有冇講錯?

死左之後做左乜, 去左邊有冇人知?有﹗
好多人都不斷咁話俾我地知人死左之後去左邊,
但係我地唔信之嘛。

有時會唔會覺得自己以經創立左一個"無神論既宗教"?因為我自己成日都係咁樣諗。
將所有宗教既共通點合而為一,然後用自己既方法去理解。
有冇諗過,無神論都係一種宗教?因為你己經好清楚下定斷人死就係死。
冇靈魂冇 after live,點解你又會咁肯定?定你只係"信"人冇靈魂?

講到尾都係一個信字﹐
我係唔明點解我地寧願信我地自己死後灰飛煙滅,
都唔相信自己會上天堂。
中學記者 22-06-200406:42 am#9



或者我地可以咁睇依件事.

冇錯我覺得上天堂既意思即係安祥咁死去. 而信仰唔係唔能夠帶到佢地上天堂, 而係:

1) 我唔多信有天堂
2) 我唔多信有靈魂

信仰只係堅定左人類既意志, 同埋管束左人唔好做壞事, 多行善事.
你 D 朋友話比你知 D 人死左之後去左邊, 係佢地死左返黎話你知定係佢又係聽人講?
好多人都話十二點係鏡前點 Candle 批蘋果會見倒老婆個樣添. 我有幾個朋友試過, 咪又係話乜都冇.

所以都有小小偏向無神論. 我唔係唔信有 Afterlive 既, 我只係相信人類之所以叫 "靈魂" 依種 "精神",
只係科技解釋唔倒, 係咪? 可能有朝一日黎個大剖白
話人點解會死. 點解死左之後會再醒唔返.

至於我返教會, 我都係覺得有時聽佢講理都幾好既.
聽下, 有時對個人修為會好. 同埋穩陣起見都係信左先好..

Gideon 老兄你指你唔信你會上天堂, 係你唔信你將來會上天堂丫, 定係你唔信有天堂,
定係你諗住你會落地獄呢? 嘻嘻

根據我平生既五大自創見解, vfhab's 3rd Law: "人係冇靈魂的".
明兄, 蔣兄你地信乜咖?
中學記者 22-06-200406:42 am#10



我本人係信佛教同道教﹐有時有人會話我迷信﹐因為我信因果報應﹐天地輪迴。你會話佛教又信道教又信﹐其實對我來講﹐宗教係一種寄託﹐每一個宗教都係講出一樣野﹐就係唔好做壞事﹐但係佛教同道教就更要叫世人做善事。
我最相信道教中既陰陽平均﹐因為真係幾好﹐每一件事都係話陰陽一定要balnace﹐如果唔係就必反﹐好似有個PROFESSOR講﹐如果個杯係陽﹐水係陰的話﹐如果不停咁倒水﹐咁就會漏晒出黎﹐咁就係陰陽唔平均﹗話晒中國都有成三千年歷史﹐聽講佛教同道教係比好多宗教長﹐但係但係總括黎講﹐無論乜宗教都係叫人從善積德﹐我記得有一個基督教徒同我講﹐無論你乜野宗教﹐最緊要係識得點去尊敬同尊重人地宗教先係一個好信徒。
有時我諗﹐點解宗教要開聖戰﹐係咪真係神想佢地咁做呢﹖
中學記者 22-06-200406:42 am#11



聖戰我都唔知點解,我覺得佢地痴 X 左所以先會打聖戰。
其實呢個亦都係其中一個我唔信既原因。
好多野科技都解釋唔倒喎...
科技都解釋唔倒養鬼仔,氣功,但係又咁多人信?

有 D 野我地會"寧可信其有, 不可信其冇"...
你又信你呀媽你女人?你有證據嘛?
你又信 1+1= 2 ?你有睇過個證據先信嘛?唔信你又十幾年都係咁話俾人知 1 + 1 = 2?

有 D 野我地要有證據先唔信。
但係有 D 野我又要有證據,有科學解釋先信喎,
覺唔覺我地人好神奇?

我信人死就灰飛煙滅,冇靈魂,冇天堂,冇地獄。
中學記者 22-06-200406:48 am#12



好﹗是不是以經去了很遠呢﹖其實不然﹐根本很近﹐簡直是近在眼前﹗

為何要想「死」﹖一來﹐悲觀點看﹐我們不希望掉進那些可是避免的懲罰裡面﹔ 二來﹐積極點看﹐是因為我們要知道什麼是對﹐什麼是錯﹐行
事為人的標準等。

死之後如何﹐根本是取決於世界的起源﹔真正的對錯標準﹐也是取決於世界的起 源。大家對世界的起源又有沒有真的想想和研究呢﹖

總之﹐每個人都要為自己的生命去「投資」﹐而投資的目標就是「過去、現在、 和將來的合成品」﹐也就是宗教信仰。投資對了﹐好﹔投資錯
了﹐後果嚴重﹗所以﹐ 請大家真的用心想想了。
中學記者 22-06-200406:48 am#13



蔣某是基督徒
相信有永活的國度...
中學記者 22-06-200406:48 am#14



我都係信基督喎.

但係蔣兄, 我唔係要扇動你唔信. 大家討論唶.
你不如講下你點解會信. 同埋你點解覺得死左之後有永生?

有時做人都有自己既觀點嘛.
中學記者 22-06-200406:49 am#15



觀點與角度不同.....
顯示 25 個結果,以上為 1 - 15

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄