黃秋生太型喇

論壇註冊
標題版主--
訂閱上一篇下一篇
中學記者 21-06-200408:45 pm#1



成隻碟﹐根本上可用個“爛”字黎形容。 爛聲﹐爛曲﹐爛配搭 (又國語又幸福摩天倫﹐成首All apologies又唔知叫乜﹐最後O個track仲要玩音樂玩mix)。

黃秋生係好直﹐好有性格﹐講就講﹐做就做﹐唔理外間反應點。 幸福摩天輪﹖唱咪唱﹐有乜所謂。 佢唔追求乜野好唔好聽﹐有無藝術﹐淨係出碟就出碟﹐無目標﹐無要求。 係好無厘頭﹐不過佢份人真係無乜深度﹐成個老粗咁﹐可以咁真咁做自己﹐有邊個可以﹖最掂O既係做戲掂﹐令我忍受到佢唱歌有幾唔掂。 所以我一直覺得黃秋生型過謝霆鋒好多﹐係碼佢無扮野。

我覺得“尖沙咀”O的詞幾得意﹐唱得幾搞笑 (我諗佢原意唔係想搞笑)﹐但係就無乜意思﹐而且風格好老土下 (根本上好多首都好老土)。

"I don't wanna grow up" 好正﹐第一句“求求其其話我愛你”已經殺晒。 開頭唔明個歌名點解﹐到佢唱到最後幾句先知﹐好普通﹐但係好到。

“幸福摩天輪”同“海闊天空”好恐怖。 其實用呢個key搵張學友都難唱得好聽。

“男人40無得撈”係預O左實有O既反董歌。 首歌講O既其實好簡單﹐全港個個都講緊。 黃秋生就係咁﹐諗野無乜深度﹐好簡單。

“男白亂講”我仲未聽得明佢唱乜。 連rap都有﹐我真係服。



這篇文章最後被 中學記者 在 21-06-200408:46 pm 編輯
中學記者 21-06-200408:45 pm#2



我以前有買晒佢兩隻碟架﹐我支持佢﹐哈哈
佢做好多人地唔敢做既野﹗
不過今隻無買~
中學記者 21-06-200408:45 pm#3



係呀~~黃秋生真係好有性格,雖然佢唱粗口我就唔係太鍾意,但整體來講都係一個好既"另類"歌手,我行我素,敢作敢為敢唱,我都好欣賞佢。其實仲有一個,就係夏金城,又係好欣賞佢,可以賣部的士去出碟,自己又作又唱,又係犀利~~~
中學記者 21-06-200408:45 pm#4



我反而講得粗口歌唔係乜問題喎﹐你地近幾年咪又興返D 鬼人歌﹐又跳晒舞既﹖講真﹐佢地入面咪又係加晒粗口﹐問題係佢地粗口有無真係好核突同晌度仲傷人者﹗但係點解你地又唔覺得衰呢﹖講真聽粗口果個有家教唔去亂諗﹐諗過界咪得囉﹗不過好多人都係諗埋D 衰野諗過界架﹐呢句唔係同你地講﹐哈哈哈哈﹗
中學記者 21-06-200408:46 pm#5



我覺得佢無乜粗唔粗口呢個諗法lor﹐佢無刻意避開﹐又無刻意唱粗口。
中學記者 21-06-200408:46 pm#6



我都覺得佢就係咁先正,
LMF 個 d 太刻意,好似前世未講過粗口咁。
中學記者 21-06-200408:46 pm#7



我只係唔like聽....唔係抗拒既,但LMF太濫啦~~而黃秋生我就接受到~~
中學記者 21-06-200408:46 pm#8



LMF 係濫... 但係我又覺得佢 d 歌幾好聽架喎
我覺得 LMF d 既 melody 大多數都好過黃秋生個 d
中學記者 21-06-200408:46 pm#9



我唔同意你話黃秋生"無乜深度﹐成個老粗咁"
係,佢真係好似成個老粗咁,
但係你睇返佢d歌同歌詞,
佢一定唔係無深度,
佢諗緊o既洏i能有深度過你同我,
只不過可能佢o既表達方式太過"粗"
你會覺得佢好無深度?!
佢通常趔歌度都會反影返佢o既見解,
呢個只不過係佢o既表達方法!
顯示 9 個結果,以上為 1 - 9
1

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄