香港樂壇正步入墳墓

論壇註冊
標題版主--
訂閱上一篇下一篇
中學記者 21-06-200408:32 pm#1



聽罷容祖兒和楊千嬅的演唱會唱片﹐驚覺這群水準強差人意的新一代已上位了。另一位同級歌手-梁詠琪也快將開演唱會﹐水準如何也是意料中事。恐怕再過十年﹐聽演唱會會和聽朋友唱卡拉OK無別。

約一年半前﹐讀到篇文章說903的頒獎禮是二流歌手的決戰場。今年在四大天王開始失勢﹐新的年青歌迷加入買碟行列之時﹐這班二流歌手已不再是二流了。眼看謝霆鋒也被稱為有才華的音樂人﹐實在使人傷感。任何時代也要有一出現便技驚四座的歌手來維持樂壇。十年前香港有張學友﹐現在日本有宇多田光﹐美國有Christina Arguilera﹐今天的香港﹖沒有﹗更很難想像在陳冠希﹐Twins﹐BoBo﹐Mango之流不停湧現之際會有一個這樣的人走出來。

在卡拉OK大行其道之下﹐香港幾乎只剩下K歌﹐大部分更是倒模式的K歌﹗看見全世界流行hip-hop﹐全部歌手都走去唱hip-hpo﹐卻不知廣東話唱不到hip-hop﹐出來的效果變得不文不類﹗

想當年全東南亞也以香港廣東歌為主流時﹐我們何等風光。現在韓國這後起之秀輕輕一跳便過了我們頭﹐我敢肯定﹐香港音樂已是全世界最差的一群。



這篇文章最後被 中學記者 在 02-10-200411:29 am 編輯
中學記者 21-06-200408:32 pm#2



chung兄,
咁其實又唔使睇到咁灰,你岩,可能而家真係冇一個有代表性既歌手在HK,但未必之後冇啊!你提到的張學友,現在當然冇人懷疑佢既唱功,但係諗番轉頭,佢都唔係一炮而紅..佢都受過好多人批評,浮浮沉沉先有而家咁好既成績。但現在香港既歌手係咪真係咁差勁呢?咁又唔可以咁講,可能只是未夠火喉。用心唱歌的人,真係沒有嗎?我想唔係,最弊係根本HK個市場就係年青人主導,K歌就係主流,唔唱K歌就唔入流,呢個係市場趨勢,冇計架,你唔唱想上位都幾難,你估真係個個都想唱K歌,不是的,好多時都係唱片公司有壓力。曾經聽過電台訪問陳奕迅,李克勤,甚至陳曉東,他們都異口同聲說自己好多時都想唱一D自己想唱既歌,亦好想呢D歌放上台,但奈何最後放上台播的卻是一些大路歌曲,佢地都冇計架
以我來說,我絕對唔想見到那些陳冠希,Mango,BoBo等靠樣的人在樂壇,他們根本得個樣,毫無唱功可言。
但實際上,以新一代的歌手來講,有實力的都唔少:
陳奕迅--佢唱歌係唔差,可惜係個人太囂,如果可以改到既話,咁都係一個好有實力既歌手。
容祖兒--chung兄,我又唔太認同你佢水準差,其實細心聽佢聲底厚,音域都幾闊,快慢歌一樣應付到,我覺得真係近年來一個唔錯既歌手,但當然而家未夠火喉,而家佢不過21歲,俾D時間佢啦
謝霆鋒--我唔敢話佢有冇才華,但起碼佢肯自己做,親力親為,佢作D歌雖然好多都係千篇一律既rock歌,但已經好過好多只懂靠樣而唔識唱既人。
但其實HK仲有D歌手係俾人忽略,佢地就係堅持唔唱K歌既一群,好似盧巧音,傅佩嘉,何韻詩,佢地仲有一個共通點,就係佢地作得又可以唱(唱唔唱得就各有唔同)可惜佢地身在HK,要紅看來都唔易

chung兄,雖然我們而家好似係俾人趕過,但可能只係青黃不接,如果可以俾番D時間佢地,我相信HK係有能力超越番韓國
中學記者 21-06-200408:32 pm#3



始終音樂都係要講才華。淨係講唱歌﹐新一代最掂O既陳奕迅都無張學友咁有天份﹐呢O的已經唔係火喉問題。
我一直都覺得最大問題係唱片公司。佢地想賺快錢﹐又無道德﹐於是就係咁捧班偶像派出黎﹐係咁製造K歌﹐歌手想唱其他類型都無乜機會。(一直以來﹐實力派Cass等都係要靜幾年先會紅) 到頭來﹐全部新人都係偶像派。到宜家已經係個不可收拾O既地步﹐佢地唔行呢條路可能會步華星後塵﹐大家都開始變得身不由己。成個香港六百萬人點會無人掂O架﹐係唱片公司唔捧佢地O者。

我唔係灰心﹐香港唔掂我咪聽國語歌﹐英文歌﹐再唔係就韓文同日文(雖然唔知佢地唱乜)﹐無乜所謂。
中學記者 21-06-200408:33 pm#4



不過o岩,天份係天生,張學友當然夠啦,但唔好用而家個張學友做比較...你如有機會聽番張學友初出道幾年唱歌,慢歌冇感情,快歌又唔識跳舞,你根本唔信呢個就係張學友。果時都唔知幾多人睇死佢唔紅!天份係重要,但後天努力亦好緊要張學友就係咁磨練出來。我唔否認呢批新一代似乎冇舊一代咁有天份,但天份唔夠可靠後天努力補救。就算這批新一代真的不能接棒,我們是否就唔支持香港樂壇呢?我就唔會(但支持程度會唔同)因為要明白未必可以每個年代都可以有一個"張學友",亦有可能係有人有天份,但未被發掘都未定我反而會期待一個可以接棒既歌手。
至於唱片公司,我一直都冇咩好感,佢地只會如chung兄你所講,捱制歌手唱歌既自由,埋沒佢地唱其他歌既天份....我冇野好講
國語歌,日文,甚至韓文歌我都會聽,但都不忘聽廣東歌,始終生活在香港,就算唔太順耳,都會聽,因為唔排除有一日可以聽到一個希望....
中學記者 21-06-200408:33 pm#5



其實有前輩都好重要
張學友仲有出唱片, 代表性或者不如過往, 但仍是實力級前輩
許志安等前輩仍然係香港樂壇有一定的地位
或者不常開腔的 譚詠麟 / 彭羚等等.....
如果冇左佢地, 香港樂壇會更慘

當年鄧麗君都係由台灣來港, 在八十年代造就了香港樂壇嘛
忍耐下啦
中學記者 21-06-200408:33 pm#6



我覺得又唔可以怪晒唱片公司。
你睇下香港人 d taste
你唱得又點?樣衰既話 d 人彩你都傻。
好似蘇永康咁唔係唔想捧
但係冇人買佢 d 媟咁唱片公司可以捧得幾耐?
香港人聽歌係為左唱 k 同跟潮流,
咪型成陳冠希謝霆鋒呢 d 咁優質既垃圾。
中學記者 21-06-200408:33 pm#7



只要俾多d時間修練就會有優良成果....
咁就豬(也母)都識上樹
中學記者 21-06-200408:33 pm#8



我覺得香港人d taste咁樣好大原因係因為唱片公司。成日聽埋O的垃圾歌手唱垃圾歌(得罪講句)﹐聽得多自然覺得唔係垃圾。我響美國聽電台﹐就算係俾妹妹仔聽O既無聊情歌﹐首首歌都好有風格﹐旋律好正﹐好耐聽。(不過佢地播來播去都係O個幾首﹐聽得多都會煩。)
中學記者 21-06-200408:34 pm#9



張學友以前成日俾人批評﹐但係無心否認佢唱功好丫嘛。就算當時無乜感情﹐O的人都會話“把聲幾好聽wor”。我覺得後天補救有幫助﹐但係點努力都好難去到“最高境界”。方力申為O左演唱會唱首“可人兒”去唱歌老師都學O左二個星期﹐出黎效果咪又係卡拉OK水準高O的O的。
以宜家O既風氣黎講﹐唱片公司響呢幾年都唔會發掘O的勁人出黎﹐真係有排等。
中學記者 21-06-200408:34 pm#10



方力申係游水叻者,唱歌好業餘嘻嘻
我覺得楊千嬅個演唱會 okay 喎,我鐘意楊千嬅掛哈

唱片公司... 其實都俾左好多機會 d 唔靚仔靚女既歌手,但係 sell 唔出... 又真係好難做架喎
你睇王菲去美國前.. 個 look 咁死 leung ,真係冇人聽佢 d 歌
返黎執一執,唱個首白痴乜乜受傷的女人就紅到爆
個 market 係咁,唱片公司迫住咁做
如果香港人識聽歌
如果好聽既碟係賣得
唱片公司又點會有錢唔 earn?
中學記者 21-06-200408:34 pm#11



香港人係咁架啦。。隨波遂流嘛。王菲果時問D腔係對香港人新鮮嘛。
中學記者 21-06-200408:34 pm#12



咁又無可否認,王菲都係有實力!不過講來講去,其實好大係market問題,歌手實力或許係其次。唔係冇人唱唱另類既歌,只係市場唔like,冇人聽,所以K歌就係主流......唉......慢慢等吧~~~
YS106360 02-10-200411:29 am#13



又唔可以咁講ge~
其實有d都唱得好好ga....
例如eason同joey啦......
關心妍.....

只不過好多都係得個樣><"________
顯示 13 個結果,以上為 1 - 13
1

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄