我覺得俾魔鬼佔有左,有冇人可以幫我?

論壇註冊
標題版主金水姐姐
訂閱上一篇下一篇
大頭 14-02-200610:40 am#1



簡直傷到入肉啦....
話說我一個人隻身黎左外國讀書,冇人冇物,住落左兩年幾先叫做有一班he ha friend,都算令到日子冇咁難捱。其中有呢個女仔,初初見佢爽爽朗朗,幾有性格,對佢幾有好感。相處耐左,發覺佢開始有d依賴我,(即係一得閒就搵你傾電話,行街,睇戲果隻,而我打俾佢亦一定接,同埋同我煲粥果隻)本來以為得米,大家有feel,咁男仔梗係做主動啦,咪向佢示愛囉。但係結果衰左。不過no hard feelings,我明佢有佢既選擇。既然我知大家底線係邊,咁咪繼續做朋友囉。

但係仲有下文,幾個月後,(我一直都仲有繼續見佢)我聽講佢同朋友反左面,而佢個朋友我又識得,(唔記得講,佢好火爆架;但我唔知點解就係鍾意佢呢樣)了解左雙方既觀點之後,知佢地只不過係誤會,一人讓一步就會冇事架啦,咁咪諗住做和事佬,一來大事化小,二來我都唔想佢唔開心(雖然話係做返friend,但係我都仲關心佢架)。打俾佢,佢越講越無理取鬧,仲喊起上黎。我生平就至怕女仔喊架啦,咁佢既然都喊哂口話佢地冇得和解囉,咁我咪唯有放棄囉,反正朋友既野,你講一次佢唔聽,咪由佢囉,佢又唔係你細佬妹。

一個禮拜後,無啦啦聽講佢地好返,本來都應該開心至係,但係佢地兩個一齊異口同聲咁同我地d friend講話,佢地既衝突係我引起,係我「獠」起個火頭,令佢地反面。我收到風既時候已經係由一個同我完全唔熟既人口中得知,可想而知個消息已經漫延開去好耐.....我簡直一方面晴天霹靂,一方面個心好似想裂開一樣......一個我曾經.....仍然有好感既女仔,可以如此反面唔認人,仲要佢地班人成日一齊玩,講下講下,煲下煲下,都唔知多左幾多version出黎....我就一d辯護機會都冇......兩年.....兩年既信譽崩潰.....依家除左返學就係歸家....人人見我好似過街老鼠咁......

傷....係當你以為自己終於有個圈子,有朋友,突然踢返你出黎....
傷....係一個你鍾意既人做出呢種事.....
傷....係我根本除左和事佬之外咩衰野都冇做過.....
傷....係我依然有時係學校見到佢,佢扮哂冇野,同哂我打招呼,扮熟,而我又唔想人地話我小氣,所以扮冇事.....

我已經唔再相信愛一個人係無限附出....
亦冇可能對佢作出寬容....我做唔到.....
而且我覺得好人永遠冇好報,好報只係俾一d「令人地知佢附出」既好人....
白馬皇子 19-02-200607:05 pm#2



同自己講佢(嗰嗰女仔)死咗,然後唔好理佢(真的當她死了)。
大兵 28-02-200610:14 am#3



大頭,呢件事既出現對對你來説應該是好事,因為―件小小既事可以令你知道呢個人唔値得做知心朋友,只可以做Hi、bye朋友,
KL 28-02-200611:17 am#4



好似恐怖野唔睇啦!
copyright 01-03-200610:21 pm#5



等我幫你啦!!!!!!!!急急如律令魔鬼快快走!!!!!!!!!!!!!!好猛呀
KL 02-03-200609:16 am#6



魔鬼你食咩大呀? 屎.... hehe
copyright 02-03-200609:48 am#7



魔鬼你食咩大呀? 屎.... hehe............同誰說
KL 03-03-200609:23 am#8



重洗問.....今晚佢黎搵你啦
copyright 03-03-200609:36 am#9



你食咩大呀?
KL 03-03-200605:08 pm#10



我食咩大呀..... 你食咩大我咪咩大 hehe
copyright 03-03-200611:17 pm#11



豬扒
KL 14-03-200610:41 am#12



正呀!! 唔該比啲茄汁
POTATO 16-07-200608:16 am#13



會唔會都係誤會嚟架? 你知啦, D野傳吓傳吓就唔同晒. 最好都係問清楚. 無謂因為一d誤會而 lost 個 friend 吖!
鄭國興 14-01-200712:18 am#14



人與人之間麍蛦B,最具破壞性就係「誤會」;如果我係你,就會找個機會去同佢澄清一下;若是真有其事,就證實這個人好有問題,對你也不是一個損失。這個世上,真係乜洃H都有,你今次遇見的人,只屬一小數,你也無需以片蓋全;世間上其實有很多好人,今次就當上了一課,給自已多一點經驗作為日後與人相處之法。放開懷抱啦,唔係儭隉A以後的人生點過呀!你同意嗎?
顯示 14 個結果,以上為 1 - 14
1

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄