死人化妝入行條件及需知

論壇註冊
標題版主阿樂
訂閱上一篇下一篇
 31-08-200512:12 am#1



要入殯儀呢行唔難,但呢行強調既;並唔係你有冇膽或驚唔驚!的的確確;死人化妝呢行薪金非常可觀;正如一個 "學師仔" 即使係佢既起薪點亦已經有 $ 23000。呢行亦無年齡、性別、經驗限制!係咪好吸引呢?

不過你係需要具備特別 "條件" 至能夠勝任!!而所為 "條件" 即係你本身五行各方面夠唔夠正氣同殺氣!至於師傅樣點至知你有冇 "條件"??師傅係有種 "另類應徵" 方法。各位有意 "應徵" 的話....請考慮清楚!!!

首先師傅會安排你響一個停屍間,而停屍間裡當然會有件 "好企理既咸魚" 等緊你!停屍間內好細,房內祇有你、咸魚、一盞油燈、一張檯和一部冷氣。其它欠奉請自便!

師傅會安排三日俾你!呢三日你祗需坐響呢間房;坐既時間係每日由黃昏約 6:30 至凌晨 12:30 不等!

在停屍間;你基本上係乜野都唔需要做,師傅純粹要你齋坐響度對住條咸魚幾個鍾頭!其間師傅祇會間中入黎望下你,你唔好期望師傅會企響度同閒談,因為師傅藉此考驗你定力同忍耐力 (當然期間你可以去食飯去洗手間 ).....就係咁;你要連續 "齋坐三日" !至於師傅是否錄用你,就好睇你往後個星期。至於點解??原因係大部份人 "坐完三日" 後往後個七日 都會有不同既 "反應",而呢七日期間師傅會跟你電聯 "觀察" 你情況。

何謂 "反應" 呢?何謂 "觀察" 呢?因為大部份人都會出現無故嘔吐、發燒、有惡 夢、暈眩或大病等等無法解釋既症狀....故此;師傅都定必需要知道你既 "過後反應"....師傅以此作為你是否具備 "錄用條件"!當你 "坐三日" 後有以上任何一種 "反應";均表示你陽氣不足、正氣少、殺氣低,受唔起陰氣及靈氣磁場。即使你再有 "膽大包天" 都係徒然!因為 "過後反應" 正正代表你生辰八字、五行唔能夠承受過多陰氣及靈氣磁場....故此跟 "睇相" 並無關係!!

若果 "坐三日" 都依然食得、訓得、冇唔妥,則恭喜你!!....殯儀行業等緊你!當正式被師傅收為徒後;基本上並無特別儀式或要求,衹需謹記師傅所提及既行規及禁忌便可。而由學徒做起到升任至資深化妝;為期至少需三至五年不等。

起初師傅會將一般由醫院病逝而又完整無缺之屍體;響你面前 "打理一番";期間師傅會邊做邊講解.....之餘亦會同先人傾偈......

起初你係行行企企、執下手尾、睇師傅台戲、記化妝品用途種類、次序....通常師傅俾你睇得有七、八 件咸魚後.....

大約第十件至會俾你掂 "佢地"!!然而;你起初既 "對象" 都係企企理 理、冇穿冇爛 (即醫院病死者) 較為 Easy-Job!而其他 "大制作" 則會由師傅"表演"....(大制作= 死於跳海、跳樓、火燒、甩皮甩骨冇忽好........)

有新人 (死者) 到首先要打針 (防腐劑);然後入櫃 (雪櫃)!!通常先人會於起程 (出殯) 前兩日移至另一凍的房解凍。要同佢地沖涼、化妝、穿壽衣.....最重要一環係按家屬意思去辦!!!

沖涼後.....裝身.....

先將大量浸滿漂白水之綿球;搗塞於人體每一個有孔位置!(作用以防血水倒流!)

穿壽衣;必需要由腳開始著上去,即襪、鞋、褲/裙、上衣........如此類推。先人壽衣由下而上穿上乃取其寓意先人會升上天免落地獄!

先人化妝品、用品、配件...通通定必為頂級品牌!例如;"Maxfactor"、"露華濃"...."資生堂"...."SKII"....."Chanel".....等等。用 "靚野" 原因係基於特別上妝、持久、減低屍班色。亦作為對死者一種尊重吧!
鹹魚 31-08-200512:41 pm#2



大家唔駛驚,果件野係我友情客串架咋.
阿樂 01-09-200505:40 am#3



係咪真架?
 01-09-200506:11 pm#4



阿魚友情客串啊
墮落天使 06-09-200511:43 am#5



香港大酒店有 order 呀!

想秘撈呀?等緊你報到呀!

夠唔夠膽先?!?
鹹魚 06-09-200511:45 am#6



真的??
墮落天使 06-09-200512:49 pm#7



係呀就嚟截止報名啦!

不過我諗你唔夠胆囉!

登記處見
鹹魚 06-09-200511:07 pm#8



大酒店人事部電話唔通...
金水姐姐 07-09-200501:03 am#9



 13-09-200510:50 pm#10



大酒店人事部電話今天已經修理好,可以接通了
鹹魚 13-09-200511:13 pm#11



係呀,重比左 job offer 同 welcome packages 我呀.
阿樂 15-09-200511:46 pm#12



忽然記番起一件事, 請容我在這裡和大家分享一下.

此事發生在兩三個月前我响香港的時候, 地點在紅磡火車站.
那天天氣炎熱, 天陰陰咁就黎落大雨.
我們一行4個人去紅館買城城既演唱會飛,
買完飛我哋源住車站往黃埔方向的天橋行,
諗住去黃埔食下嘢行下咁.
我哋在行人天橋上途經望度格離既XX殯儀館,
跟住我朋友個家姐話上年有個外國朋友來港,
打電話話佢聽他現在住起紅館對面, d房ok, 冷氣又勁!
我朋友個家姐立即心裡一寒, 心諗唔係咁邪呀嘛!
多年冇見收到個咁既電話.

跟住 .........
西關大少 16-09-200512:11 am#13



有d做火柴盒生意的人竟然在入面午睡,唔知真係嚇死.
YS140431 19-09-200503:52 am#14



這篇正是本人之原創文章,亦是本人之職業。

『遺體化妝師』此乃屬另類公僕,此工作實在是功德無量!

能夠投身於殯儀行業,就我而言;實在是一種貢獻及回饋。多數的人忌諱談死亡及死人。

無可否認;好生惡死乃人之常情,生老病死亦是人生必經階段。問題在乎於過程中自己如何面對及體會。
阿樂 19-09-200511:03 pm#15



Hi YS140431, can you tell us more about your job? We would like to hear. Thanks.
顯示 51 個結果,以上為 1 - 15

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄