十年内的回憶

論壇註冊
標題版主金水姐姐
訂閱上一篇下一篇
大兵 23-07-200509:31 pm#1



不久之前有一位十年無見小學同學,找回我令我回憶起自己的轉變。
當時剛小學畢業進入―間很差中學讀書,中一時我和一班唔讀書豬朋狗友玩,結果要留班,第二年我又係這樣地過,學校無辦法踢我出校結果升上中二,我被編入垃圾班,全班成績和操行都是尾四十位,學校怕我地帶瓌其他同學所以希望隔離我地,我度過三個多月無人理和受學校針對的日子,之後因為衰吸煙和逃學被踢出校,我記得那天很冷我企在會議室,我媽媽和三個訓導校長商討退學簽紙,我記得有一個女訓導説:「蘇太你個仔己經無得救,我睇他個連中三都讀唔到呀,不如退學喇,可能對他有好處呢!」媽媽一句説話也不説只流下兩行眼涙,之後簽紙,我永不忘記個女訓導的笑容和媽媽望也不望我地走去的情境,我知道媽媽好傷心,但我也知己成定局,後悔也没有辦法。
我只好在爸爸朋友的公司工作,這樣過了一年,有一天晩上我在想將來會係點,之後我想通了我要令那些看低我的老師跌眼鏡,我向爸爸題出要讀返書,他説我想讀就讀,之後我找到一間夜校讀中三,我程度很差但我一路工作一路讀書,終於都考到中三畢業,但英文始終不合格。
在暑假有一天爸爸拿了―本私校入學書給我,對我説仔不如讀日校喇,原來爸爸媽媽見我唔係三分鐘熱度決定供我,這也是由細到大我爸爸第一次表現出對我的關心,因為爸爸由我出世到大他都只是賭錢和工作,從來好少理我和妺妺,從來未同過我們去玩,只是識比錢我地,這次媽媽説爸爸幫我去找學校是希望我可以完成中五,在中四中五那兩年我好比心機應付會考,竟然有一科被派去以前間中學考,碰巧又被我見到當年個女訓導我特登走去同他打招呼,説好多謝她當年踢我出校,如果唔係真無可能讀到中五,我見她只好勉強地對我笑之後走上教員室,到考試時監考的老師是以前的班主任,我見她對着我呆一呆,我只好對她笑―笑,那―天我十分開心,我證明到我不是垃圾和人渣,因為他們以前是用這兩個名稱呼我。不過現在回想起來真是有點幼稚。
中五會考放磅我考到ーE三D的成績,我第一個通知是媽媽爸爸,七分對其他家長可能没有什麼大不了,但對我父母是一種安慰,因為由細到大我都唔係讀書材料,之後我決定出來工作,但經濟不景我只好在地盤工作ー年,之後一年我試過文職、倉務等工作。
我終於入到一間大型老字號電訊外判公司做學徒大半年,因為大部分的工作已識。我決定去一間在公屋佔有率好高的電訊公司做電話維修工作,雖然又熱又走來走去,但我並不會去計較,因為十年後的今日我可以用自己的技能養活自己,並不是以前的垃圾廢人,我希望話比人聽人是可以變的不會―世比人看低。



這篇文章最後被 大兵 在 28-07-200506:15 am 編輯
小龍女 23-07-200511:41 pm#2



嗯嗯∼ 那麼你要加油喔∼ ^^
芝麻糊 24-07-200512:48 am#3



多謝大兵o既分享. 好勵志o既故事! (以前都有老師話我會畢唔到業, 叫我放棄...) 活得好就係對o個 d 曾經睇死你o既人最大o既 "回報"!



這篇文章最後被 芝麻糊 在 24-07-200508:25 am 編輯
阿樂 24-07-200502:00 am#4



了不起喔! 謝謝分亨~
鹹魚 24-07-200502:52 am#5



多謝大兵嘅分享,很開心聽到你能夠在少年時抓緊自己嘅人生方向.
*小詩wing* 24-07-200505:12 am#6



thx for ur sharing~
我也是被派到一間很差的中學~
雖然遭遇跟你的不大一樣~
可是我以前一個好朋友跟你中一的生涯可說是"一模一樣"
可是她still doesn"t amend.
她還轉了一所比我的中學更差的學校
人們以為她要轉校改過~
但她竟然向我說
"xxx中學有人照我呀~ 幾威水呀!!"
沒有人支持她轉校
當家人,老師,朋友的好話當成廢話
真正廢話當真心話
現在......
已經不知她怎樣了
不竟也沒有和她聯絡了
 24-07-200505:31 am#7



大兵...
謝謝你把自己故事跟大家分享,
很有意思。
我們的價值,不在於外面的評價,而是在我們給自己的定價。
我們每一個人的價值,都是絕對的。
堅持自己崇高的價值,接納自己,磨勵自己。
你要好好加油,不要放棄,支持你啊!
大兵 24-07-200504:39 pm#8



多謝各位,我説出自己故事,係希望其他和我以前差不多的少年千祈唔好放棄自己,讀書不好,並不是代表一生都失敗,可以在其他地方表現到自己的價値,所以我十分喜愛林子祥的「誰人明白我」,不要怕別人的白眼,所有人都可以活出自己心中的彩虹。
Katy 24-07-200506:01 pm#9



哈哈哈哈哈,我估唔到一個「我」都令你諗返起咁多野!!!!!
哈哈哈~我好有影響力呀!!!!!

不過我覺得你真係有好大既轉變呀!!!!
我好佩服你咁有決心去改過同埋咁有恆心去做好每一樣野
呢樣野令我不得不佩服你~~~~~

岩岩搵返你仲以為你同以前冇咩點變,都係咁差
點知傾落先發覺你會考仲好過我?!(唉...><")
雖然其實我都唔覺得你呢一份係好工, 不過見你咁有敬業樂業既精神, 同埋你唔怕辛苦, 唔會再只得3分鐘熱度, 再次令我不得不佩服你~~~~~!!!!!

唉呀~~~
我覺得我搵到你係我既驕傲呀!!!哈哈哈
金水姐姐 25-07-200503:24 pm#10



加油呀! 支持你
鹹魚 25-07-200504:31 pm#11



唔會個勵志故事都係發大達收場,做人最緊要喜歡自己嘅工作,生活,同埋有正面嘅人生.
 26-07-200512:56 pm#12



大兵~努力啊
金水姐姐 26-07-200501:32 pm#13



add oil~
難得糊塗 28-07-200506:15 am#14



大兵~~繼續努力加油~~
好感謝你分享呢段有意思同勵志的往事~~
任何人睇小自已並不重要,重要係自已永不放氣~~
我一定會叫D仔細領悟呢篇文章~~謝謝你~~
YS137847 19-08-200504:16 am#15



樓主勁喎!!
出哩做野後基本以忙記晒!因無回想過!!
加上八成都係不快的回憶!
回憶呢家野!被一個字我回憶呢22年有凸!
顯示 31 個結果,以上為 1 - 15

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄