懷念"新法"的日子

論壇註冊
標題版主--
訂閱上一篇下一篇
阿樂 14-04-200709:39 am#142



~~~~~~~~~~~~~~~~~~~~~~~~~~~~~~~~~~~~~~~~~~~
雪糕妹 張貼時間: 12-Apr-07 2:04:00 PM

黙黙是耕耘  道緣可結親
若說人生樂  能待秋後果
若問流年事  幾許未歡容
淡然求一願  仍待秋後轉

金句:春來可貴,夏後漸好,秋無妨,自然
~~~~~~~~~~~~~~~~~~~~~~~~~~~~~~~~~~~~~~~~~~~

我d中文大部份响公仔書裡睇番黎渣喎!
但你都要講你求d咩先得架

我估呢支都係中下"卦"喇! 好明顯一個字 - .
黙黙是耕耘 - 事業要等, 姻緣要等.
道緣可結親 - 道緣, 我估係"同道"或"同一宗教"既意思. 應該係跟一些同行或教友之類既人有緣份可成夫妻掛 咁你要多加留意身邊既人喇!

夠鐘lunch 今日返半日, 收工去睇車展, 夜d再思考下!
雪糕妹 16-04-200703:56 am#143



喟! 唔好意思,我嫁佐人架啦!

不過我曾經問過一位中文程度很好的朋友,佢都同我講,我應該要對某一個宗教誠心些.可能會比到一些啟示我.

總之都係要等啦!

你的中文都不錯.
雪糕妹 16-04-200703:59 am#144



其實我只係想問下流年運程,都無咩可求.因為現況都算 OK .

工作上都無咩話要升職(因為我唔係大學生),但求工作開心便算.
阿樂 17-04-200707:09 am#145



若問流年事  幾許未歡容
淡然求一願  仍待秋後轉

問流年運程? 寫得好清楚喇! 要等秋風再起喔~
我都覺工作開心好緊要, 對住d同事每日咁多個鐘, 唔合得黎都幾係嘢!
雪糕妹 18-04-200708:55 am#146



Anyway, Thanks a lot la!

喟!我記得你講過你家姐都玩塔羅牌的.你有無問問佢呀?

不過,其實我係好奇心先會問流年運程的.

因為有時就想轉工,但有時又覺得份工都唔錯.

所以都無咩要求.最緊要係每一天都開心咁過.

話時話,這個 Subject 好似只有我和你咁.其實人都無咩講的?
阿樂 18-04-200710:01 am#147



我家姐唔係玩塔羅牌, 佢睇d"通勝"之類既書玩咩 ... 三世書, *稱骨等 ...

而我呢, 就睇咗李居明07年嗰本運程書, 佢就教人點樣把塔羅牌和中國古代占卦結合一起黎占算!

~~~~~~~~~~~~~~~~~~~~~~~~~~~~~~
因為有時就想轉工,但有時又覺得份工都唔錯.
所以都無咩要求.最緊要係每一天都開心咁過.
~~~~~~~~~~~~~~~~~~~~~~~~~~~~~~

我都咁諗! 心大心細.
究竟應該繼續enjor呢種無乜壓力既日子, 還是趁後生再出外博下呢?

呢個subject係"新法"嘛! 你想多d人聊聊天既咪入去"聊天專區"囉!
雪糕妹 23-04-200703:05 am#148



你家姐都好勁喎!咁玩都得.

喟!有無得隔空幫我占下架.

我昨晚問我其中一位朋友.佢同你講法差不多.但佢對於 " 道緣" 這個字有其他見解.不過佢話諗到話我知.另外佢話 "結親" 都可以解作親情.

唔通係意味我將有 Baby? 我都想生仔架.
阿樂 24-04-200701:17 pm#149



我家姐玩下姐~ 佢除咗幫屋企人算下, 無替其他人占過bor!
呢d嘢聽下好喇, 唔好太迷呀!

"道緣可結親" - 照你和你朋友所言, 咁即是有宗教信X, 你誠心就求子得子!

~~~~~~~~~~~~~
我都想生仔架.
~~~~~~~~~~~~~

你老公也想嗎? 你咁想生, 有咩原動力, 可否分享下原因?
阿樂 28-04-200701:50 pm#150



雪糕妹, 請按這裡
我响Yahoo找到這篇日記! 日記裡題及"凱旋門餐廳". 喂, 你還記得這餐廳吧! 但我記憶裡那餐廳好似係叫"凱旋餐廳". 究竟有無個"門"字?
我93定96年回港有影過校舍的照片, 但那位人兄無留下e-mail, 寄唔到比佢lu!
雪糕妹 29-04-200705:56 am#151



餐廳應該叫:凱旋門

我以前都有幫襯過,不過都係家姐請,因為好貴一個餐.

我想生 Baby 的原因,當然是喜歡小朋友啦.其實相信每個人去到某個年齡時,都想做一些以前無諗過的事.我們倆年前結婚,當時我老都話唔想生 Baby ,加上經濟唔好,好怕無工做時,個小朋友點呢?

到今日想生的最大原因是因為我老公的細佬話佢今年做爸爸啦.我老公聽到咪又想要囉!

我有小小埋怨佢的,因為兩年前佢話唔想,到依家又話想,我覺得佢浪費我兩年時間,都唔開心,而且我唔想太大年紀生 Baby .所以我希望在這三個月搞掂佢囉!:)

你結婚未呀?有無想過這些事呢?

其實我媽咪時時都叫我生,佢話:你結婚就梗係要生仔架啦!因為你同得呢個過埋下半世,就一定係想同佢組織一個家庭啦.

當時,我都覺得佢講得對,但由於是因為我老公唔想要 Baby ,所以我無同佢講.費事佢哦我老公啦!

我奶奶都有講,我又唔想話:係你個仔唔要,所以我無正面同佢講呢件事.

我奶奶好口疏架,好係佢細佬個老婆一話有 Baby ,佢打晒電話比其他親戚知.你知啦!好少氣架嗎!

所以我同老公仔講好,一有佐都唔比佢知.
小藍 29-04-200705:06 pm#152



咁即係我哋響 forum 呢度會唔會知!?
nn^^ 08-05-200705:55 am#153



雪糕妹,你要努力d啦!
nn^^ 08-05-200706:04 am#154



大家好,我好開心呀,上個月我約左幾個新法同學仔出來食飯,我上一次同佢地見面都成四五年前啦!
雪糕妹 08-05-200706:30 am#155



nn
你同你班舊同學吃飯吃得開心嗎?


我都希望快些有消息,希望會好快啦!
喟!你其實結佐婚未呢?
顯示 340 個結果,以上為 141 - 154

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄