一切從搭不到這班巴士開始

又改post.

因為我成日寫錯字ㄚ嘛, 又成日詞不達意喎.

同埋要學師奶D, 費事比人話喇...


這篇文章最後被 芝麻糊 在 26-05-200512:10 am 編輯

有個問題:
健康的成長方向同埋不健康的成長方向係根據乜黎決定?

明天才講,而家收工訓覺.

無留意一日,就講左咁多野啦

唔好意思,無等埋你...
因為個主題主要係為左講芝麻糊究竟係一個點樣個性o既一個人,但係個心理測驗同一路個presentation應該大家都會有興趣參與o既.

阿嘉多多,
我check番昨日o既posts,你都有揀呀,繼續一齊玩啦.

點繼續玩
我第一個係b
跟住要選擇咩

芝麻問點去定健康或不健康o既成長方向﹐首先要明白每種性格都有其正負面。

任何一個性格類型都可以有向上或向下o既發展拉力。舉例講一個完美主義者o既向上發展拉力係不甘於次等情況﹐要追求完美﹐表現會係敢於直言﹔但完美主義者亦會因時常著眼於現實中o既負面同不足處﹐會容易產生不滿緊張﹐對自己同對旁人挑剔﹐造成種種負面拉力。

之前講o既所謂健康方向係一個合理推算﹕
通常一個人響成長中會由完美主義者開始﹐因為細個時所認知o既世界係黑白分明﹐對事物有正面o既期望﹐完美主義者o既強處係力爭上游﹐一絲不苟﹐但係亦會因為過份認真嚴格﹐苛求自己﹐挑剔別人﹐對人多挑戰﹐少欣賞﹐少鼓勵﹐無論對自己或別人都有壓力。呢種人o既健康成長路向係轉向多元化性格發展﹐擴展趣味﹐多元﹐創意o既一面﹐以至可以平衡完美主義裡面循規蹈矩o既緊張一面(寫到呢度﹐我諗好多年輕o既朋友都係響呢條路上面吧)。當一個人經過呢個階段﹐可以再向深思鑽研o既思考型發展﹐因為多元化﹐多姿多采o既性格會流於輕浮﹐有創意而無深度﹔思考者會學習聚焦﹐鑽研﹐發展有深度有實力o既質素。
跟住落黎思考者又可能流於過份抽象﹐抽離﹐未必能同群眾交流。故此向上成長o既人會走向領袖型(嘩開始講d三十歲o既fans喇)﹐學習探索同掌握環境。但領袖型o既人會傾向操控環境﹐以做好事情為首位﹐忽略對人o既關心﹐故此後期就需要發展助人者o既性格﹐發展關心憐憫他人之情﹐但係過份關心同助人﹐自己就好容易睇唔清楚自己﹐所以需要轉向藝術者性格﹐學習內省﹐獨處﹐靜思﹐探索同認識自己內心深處﹔但係藝術者性格o既負面係太過強調自我同自主﹐所以最後又會走回完美主義者以客觀原則為參考。
其實一個自強不息o既人就會響呢幾種性格上轉變﹐修煉﹐成長﹔每個周天之後人會變得更加成熟﹐更得人鍾意。

相反﹐如果一個人o既發展係一路響每種性格o既負面上建立﹐咁呢個人就會愈黎愈可怕﹐愈黎愈唔健康。

b.即刻睇表,想想尚有多少時間,然後心中搜索附近有甚麼小巴站,地鐵站,的士站,計算有甚麼符合經濟效益的方法去到目的地.

我揀第一,咁又係完美主義者,咁我個人咪好挑剔?
我覺得揀第一o既人應該從事廣告或者設計之類會好合適囉

從事廣告或者設計o既人如果淨係完美主義者似乎唔多掂喎.
做呢類工作o既人要有創意,但係又要識得同clients溝通,又要同自己o既team members溝通,若果係team leader就重要睇得實個team,又要有勇氣接受唔同意見,所以唔會淨係完美主義者,應該重要加埋多資多采者性格同領袖者性格,或者再加上助人者性格先至會做得好d喎.

其實好多人做呢個心理測驗時都會想到多過一個o既選擇,就係因為個人性格係不斷在成長中,因此性格中包含不同型態o既性格.
通常城市人都會以考慮效率為先(生活逼人),雖然都會有考慮自己或對方o既感受,或者想發火,但係仍然會被解決當下危機o既想法領先,因而揀答案 b;但係個別人士亦有可能因為成長背景或際遇,而看個人感受較為重要.

閉完關喇。

請問下一步係進行乜嘢測試呢？