你們認為值得嗎??

論壇註冊
標題版主--
訂閱上一篇下一篇
中學記者 06-04-200503:04 pm#1



已經無見她5年了,但係我仍然經常夢見佢,個感覺真係好難受呀!佢比我細2年,我仲記得我地係97年頭開始,97年底結束,我當年中三,而佢就中一,後來我因為太壞而比學校趕走左,一路以來,佢班主任都對佢特別好,因為佢都幾叻,而我就...所以0的阿SIR,MISS都好憎我,個阿sir仲離譜到車佢返學放學,等佢唔好同我接觸,幸好,我地大家都住紅磡,所以放左學都有機會見到,後來11月底佢生日(我已經轉校了),我知佢鍾意Hello Kitty,但係一個學生,試問邊有錢買吖,咁咪走去賣屋企0的貴重野0羅,點知佢突然話要部sony discman.(當年要$1500呀)死啦!無錢了,諗住返學校籌期,點知籌唔到,得5百紋,好彩第二日返學,Miss話我知我考第一,我即刻返去話比阿媽知,最後佢比左$1500我,因為我從未試過咁叻,其實因為呢間學校太差了,呢間band 5,之前0個間band 2.佢生日0個日,佢都唔知我真係會買部discman比佢,佢收到之後,真係好開心,後來我地仲一起埋左個杯係沙裡面,0個度係淺水灣,0個日我地大家都好開心咁返左屋企.到第二日,佢開始對我有0的冷淡,仲同我一個朋友去街,我為左激佢,就同一個暗戀我既女仔去街,佢知到左之後,既然同學校一個男仔拍拖了,我真係好嬲,仲打左條友一餐,後來,佢有一次打電話比我話佢比我其中一個仇家要脅,話我唔出現就會傷害佢,其實我早就知道佢地係識得既,不過既然佢要咁樣呃我,我仍心甘情願咁去左,最後當然係比人打餐勁啦!而我對佢都無憎恨既感覺,我咁樣都係想佢回心轉意同埋唔好再學壞,但後來我0的社工話比我聽佢變得好壞,可惜我再聯絡唔到佢,我亦由一個壞人變成一個乖乖仔,我每次諗起佢,我都會好心痛,直到上年6月,有一日我睇報紙,有一則新聞是關於香港十大傑出青少年的,發覺相片中正是她,我再細閱有關她的訪問,原來她因為家境驟變而變得一個努力讀書,而且晚上還要去做散工幫家的一個中六生,自從哪天起,我就想找她,但係我以前朋友0個0的電話唔見晒.想去佢學校等佢,怕太唐突了,;而且哪間學校太嚴了,若看見我這個昔日無惡不作的學生找她,定必令她被老師罰,所以我暫時打消了這個念頭,我將精神都寄情於工作上,今日總算有點成績了,真係好想同佢一起分享,看看月曆,已是4月底了,於是我每晚都到處瀏覽,看會唔會佢學校網頁會有每班同學既資料呢?去到之後發覺無,仲發現左原來中7已經唔駛返學了,我覺得而家真係好無助,好失望咁我周圍搵,終於搵到呢度,好失望咁0個間學校登記既人只得唔夠10個,仲要差唔多全部係老餅...shit!所以我先有時間0係度用左3個鍾頭打出可能佢永遠都唔會收到或者聽到既野,勞煩各位如果有時間幫我Forward出去吖,希望會有認識佢或者同佢同校既人睇到啦!如有知情者,請留個message比小弟,小弟不勝感激!!識得佢既人都叫佢妹妹既 Karen Lam 學校係:何文田既胡x熾中學...最後想話
顯示 1 個結果,以上為 1 - 1
1

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄