緣份

論壇註冊
標題版主
訂閱上一篇下一篇
andywtc 01-03-200502:20 am#1



還記得幾年前Stephen Chow 的西遊記嗎? 還記得它分兩集搵大家笨嗎? 雖然係咁, 我覺得Mr. Chow 拍得不錯, 到依家都有d感覺. 最記得就係至尊寶變孫悟空時講 “曾經有個好愛我的女仔, 但係我無好好去珍惜到…如果個天比我返去之前, 我會同個女仔講<我-愛-你>…如果一定要係呢段感情加一個期限, 我希望係一萬年…”我覺得人生最痛苦吾係遇吾到最愛, 而係錯過了最愛. 之後的日子, 每次回憶自己錯失了的最愛, 都會感到心痛. 心痛自己放棄了最愛, 心痛自己令最愛心痛, 心痛已經無得返回頭. 雖然改變過去, 不一定可以改變結果. 但起碼努力過, 吾會後悔. 緣份, 好似尾班車, 錯過了就係錯過了.

係我地前面或者有另外一段緣份, 但記憶往往會提醒我過去的後悔. 心痛感覺或許會減輕, 但吾會消失. 到一天, 心痛感覺完全消失了, 或者當年的她已經不是自己的最愛, 或者最愛已經係眼前. 這一刻, 請不要找藉口, 去愛你所愛, 不要令自己後悔. 緣份, 是尾班車, 錯過了就係錯過了.



這篇文章最後被 andywtc 在 27-04-200504:25 am 編輯
鹹魚 01-03-200503:00 am#2



timing matters...
starstar 16-04-200505:06 am#3



珍惜現在
勇於面對將來
 16-04-200504:21 pm#4



還要學懂適當時候放下
starstar 17-04-200510:19 am#5



放下是一個比較性的防
它是對時間之言
阿敏,妳覺得如何?
鹹魚 18-04-200503:25 am#6



andywtc 好似係話每次有兩個人o既相遇同相分都係不可逆轉o既事.不可逆轉o既事卻留在兩人的回憶裡,既是如此,便應該珍惜眼前相聚o既一刻,使相聚能成為美好回憶.
敏敏郡主係話既然過去左o既,就要懂得放低佢喎.
starstar點解話"珍惜現在,勇於面對未來"o既?同埋,咩野叫放下係時間上相對性o既抉擇呀?即係點呀?
andywtc 20-04-200509:11 am#7



看完<少女日記>明白到緣份其實就是這麼一會事. 道理很簡單, 就是"自然". 自自然然即用自己的能力配合外在因素去生活, 就是最好的人生道理. 自自然然的相遇, 自自然然的分開. 強求只會催促反效果的發生.

我們的遭遇是受到各色各樣的外在因素所影響, 此謂之自然. 強行改變外在因素, 會令其他人的遭遇有所影響. 如果自己因而得益, 其他人便有所損失, 此謂之平衡. 沒有人能計算自然的失去是否等於自然的得到. 但得失是不能避免, 只是得失對人有不同的影響. 我們總要明白在這世界上有人是得多於失, 這也很自然吧!

緣份, 我想總會自然的出現和消失在面前吧! 在想不開時, "自然"也許能令你好過些.
鹹魚 20-04-200504:22 pm#8



andywtc果然係沉默o既friends,唔多見你出聲,但係原來睇實我地o既.
我都同意你o既講法,緣份要講求把握機會,而又同時要講求唔執著.
其實<少女日記>o既結尾,係將個波交番比男女主角,響香港咁o既case係無路可走,兩個人o既角色已經注定左結局係悲劇收場,大家只可以努力扮演苦命鴛鴦,但係作者將兩個人安排響另一個合理o既時空重逢,大家再無之前身份o既限制,係唔係咁樣就會有一個有情人終成眷屬o既結局呢,拍過拖o既讀者都會知道未必一定,但係起碼唔駛為之前所受o既傷痛感到遺憾,可以再試一次.
我諗好多時我地為到過往o既緣份覺得苦,就係緣份去得太快或者太傷,連講都無得講就已經失去,只得閉口忍受果種苦況卦.
 23-04-200501:10 pm#9



兩個男生講得好像好鬼有道理喎
 23-04-200501:12 pm#10



~~~~~~~~~~~~~~~~~~~~~~~~~~~~
starstar 張貼時間: 4/16/2005 7:19:00 PM

放下是一個比較性的防
它是對時間之言
阿敏,妳覺得如何?
~~~~~~~~~~~~~~~~~~~~~~~~~~~~
starstar.....不好意思,我不懂你問我什麼?你解釋一下好嗎?

鹹魚 23-04-200510:13 pm#11



~~~~~~~~~~~~~~~~~~~
敏 張貼時間: 4/22/2005 10:10:00 PM

兩個男生講得好像好鬼有道理喎
~~~~~~~~~~~~~~~~~~~

連敏敏郡主都出埋"好鬼"呢兩個字,我都真係好鬼驚訝.
andywtc講緊o既自然,好似係老子道德經o既concept黎喎,梗係o岩聽啦,只不過係人在局中,不知平衡點在那裡,庖丁解牛,談何容易.不過男女緣份,相分相聚o既野,有幾多個能夠拍心口話自己響果一刻係真係做得到順其"自然"架.
andywtc 26-04-200503:09 am#12



阿魚, 沉默是金ma.

"自然" 是比較被動的想法. 人其實應該主動去爭取自己需要的東西, 但由於太多事是我們不能控制, 順其自然往往是最好的解決方法. 阿魚都講得啱, 人生有太多事是unknown, 我們根本不知道甚麼事可或不可控制, 這樣, 自然ma, 談何容易呢!

個人對愛情抱 "合久必分" 的態度, 認為離合是十分正常自然, 只是時間的問題.
鹹魚 26-04-200504:01 am#13



heehee,我信"一生一世,愛是恆久".
 26-04-200511:13 am#14



不在乎天長地久,只在乎曾經擁有.....好過從來沒擁有過嘛
鹹魚 26-04-200511:26 am#15



但合久必分似乎有點像做生意合伙ma.
若對方真的要走,當然不可留得下對方,但也不至於說"嘿,十年了,是時候..."吧.
顯示 37 個結果,以上為 1 - 15

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄