50樣男仔要女仔知道既心事

論壇註冊
標題版主
訂閱上一篇下一篇
金水姐姐 19-11-200402:55 pm#1



01)「喊」即是威脅我。
02)我唔會每秒鐘都掛住你,你要接受這事實。
03)我見到靚女一定會望,這是天生的。
04)我係鍾意 SEX 和有性幻想的。
05)不過胸太大或胸圍太硬都幾得人驚。
06)我唔講野唔等於我唔愛你。
07)你最好都有自己的目標和理想。
08)你著乜都好睇,真的(因為我未必有留意)!
09)唔好問我覺得你靚唔靚。
10)我對你用甚麼化妝,護膚品無興趣。
11)唔好迫我塗潤唇膏。
12)唔好期望我會在返工或上堂時間 CALL 或 SMS 你。
13)好多時答 YES 或 NO 就夠了。
14)「唔知呀,你話啦!」唔係答案。
15)如果你日日都因為 M 而情緒波動,唔該你去睇醫生。
16)如果我講d野令你覺得有兩個解釋,其中一個會令你好傷心,我地其實係想表達
另一個意思。
17)唔好無病呻吟,你最好相信《狼來了》的故事。
18)你一係就話俾我知你想我幫你做咩,或者點樣可以完成。唔好又叫我幫你做又要
教我點做。
19)十二歲以下的女孩才有權扮 CUTIE。
20)可以的話,自己換麥當勞送的公仔。
21)手袋可唔可以唔掛「啷啷」,毛公仔?
22)可唔可以唔同我討論電視劇同 HELLO KITTY?
23)唔好叫我幫你挽手袋。
24)唔好批評我的兄弟老友。
25)大庭廣眾怕醜、唔出聲不叫斯文。
26)唔好成日話「我d friend話咁咁咁」,你d friend 點諗,關我咩事。
27)盡量不要將我地拍拖的細節亳無保留地話俾你d
friend知。我都想有私隱權。
28)除左我,你還有其他興趣或嗜好嗎?
29)有無一樣運動你懂的呢?
30)你可以唔識打機,不過最好俾我打。
31)我唔使減肥,所以唔好阻止我食 JUNK FOOD。
32)唔好要求我做道明寺。
33)溫柔不等於依賴。
34)爽朗不等於無禮貌。
35)腌尖聲悶不等於高貴。
36)無主見不等於尊重我。
37)遲到不等於多人追。
38)你打扮得太誇同我去街我會驚。
39)不要偷偷在我的文件或功課上貼 CUTIE 貼紙。
40)雖然我未必睇到,但內衣最好光鮮乾淨。
41)最好不要日日作 OVERSIZE 的 HIP HOP 的打扮。
42)無必要不用穿得太性感。
43)是不是任何時候任何場合都需要化妝?
44)唔好三句唔埋又話要減肥。
45)不要在公眾場合怪叫或大驚小怪。
46)不要 CHECK 我電話的來電顯示。
47)我都會有女性朋友。
48)我唔想知你同你舊男友的事。
49)你都最好也不想知道我和我舊女友的事。
50)我想講 I LOVE U 的時候自然會同你講。



這篇文章最後被 金水姐姐 在 23-11-200401:26 pm 編輯
阿樂 19-11-200403:00 pm#2



衰鬼, 中哂喎! 邊個咁得閒寫哂出黎!
鹹魚 19-11-200408:40 pm#3



樂樂,唔好成日做 yes man, 女仔係要你比意見o架.

01)「喊」即是威脅我。
=>係呀,男仔啲AQ好低o架,唔好成日嚇佢地呀.
02)我唔會每秒鐘都掛住你,你要接受這事實。
=>不如女仔試吓問,如果你重有一分鐘命,你會唔會想起我.
03)我見到靚女一定會望,這是天生的。
=>係咩,請問呢位男仕,你點望靚女o架,你眼定定望,望幾多秒,個頭同眼會唔會跟目標移動o架?
04)我係鍾意 SEX 和有性幻想的。
=>真o架,不過你又未係我老婆,等結咗婚先同你講J
05)不過胸太大或胸圍太硬都幾得人驚。
=>神奇, 胸太大就話可以眼見到丫, 胸圍太硬你都知, 硬又關你事,八卦.
06)我唔講野唔等於我唔愛你。
=>當我真係唔愛你嘅時候,我事前一定唔會比你知.
07)你最好都有自己的目標和理想。
=>當然,如果我唔係你嘅目標和理想,請早小小通知,大家拍散拖就係喇.
08)你著乜都好睇,真的(因為我未必有留意)!
=>為免令女性心靈受傷害,男性大部份時間係應該扮演”魔鏡”嘅角式嘅,願世界和平.
09)唔好問我覺得你靚唔靚。
=>如果我覺你唔靚,我都會話你靚o架,多年慘痛嘅經驗話比男仕知道,女性對靚係需要一個絕定肯定同不含假設嘅答案.
10)我對你用甚麼化妝,護膚品無興趣。
=>呢位男仕要 watch out,如果你諗住娶你女朋友,你最好check 清楚佢用緊咩化妝,護膚品,有無水銀含量超標,係唔係安全,保護女友,男子有責;重有,你要 check 吓啲化妝,護膚品咩牌子,咩價錢,第時結咗婚之後,你都有份比錢o架.
11)唔好迫我塗潤唇膏。
=>不過可以你搽o係你個咀度,然後印過o黎我度,咁樣幫我搽.
鹹魚 20-11-200402:08 am#4



12)唔好期望我會在返工或上堂時間 CALL 或 SMS 你。
=>個d環境係無可能集中精神將我o既愛意經電訊傳比你o架.
13)好多時答 YES 或 NO 就夠了。
=>不過你想玩“估眼神”都得.
14)「唔知呀,你話啦!」唔係答案。
=>咁問下一題咯.
15)如果你日日都因為 M 而情緒波動,唔該你去睇醫生。
=>不過我都會買白鳳丸比你食,不如試埋十全大補酒啦.
16)如果我講d野令你覺得有兩個解釋,其中一個會令你好傷心,我地其實係想表達
另一個意思。
=>可能同你M有關o架,整多粒白鳳丸啦.
17)唔好無病呻吟,你最好相信《狼來了》的故事。
=>但係你若果真係有好強感覺﹐咁可能係真o架,駛唔駛做d咩野呢o下.
18)你一係就話俾我知你想我幫你做咩,或者點樣可以完成。唔好又叫我幫你做又要
教我點做。
=>係啦,講聲咩mode,等大家有d心理準備.
19)十二歲以下的女孩才有權扮 CUTIE。
=>同埋可以搭車半價,唔係o既話,可能會比警察拉o架.
20)可以的話,自己換麥當勞送的公仔。
=>但係如果係collector set最後一個,而又有人出高價買,咁就一齊去排隊囉.
21)手袋可唔可以唔掛「啷啷」,毛公仔?
=>係呀,特別係去d寫明“肅靜”﹐”迴避“o既地方,小心d好.比人打三十大板就唔好啦.
22)可唔可以唔同我討論電視劇同 HELLO KITTY?
=>Hello Kitty都有得討論,又未聽過呀,不如介紹你女朋友比我識,等我聽o下係咩o黎.
23)唔好叫我幫你挽手袋。
=>幫佢拎啦,陣間個手袋勾中d野,跌爛野要幫佢賠就重大件事.
24)唔好批評我的兄弟老友。
=>因為上次單野其實係我叫佢地幫我認數o架.
25)大庭廣眾怕醜、唔出聲不叫斯文。
=>都好過大庭廣眾出左醜都唔知,重要多多野講,總之自己執生啦.
26)唔好成日話「我d friend話咁咁咁」,你d friend 點諗,關我咩事。
=>夠guts講”我話咁咁咁咁“,考驗o下我o既忍耐力.
27)盡量不要將我地拍拖的細節亳無保留地話俾你d
friend知。我都想有私隱權。
=>係就post上都會o既forum,等大家都知.
28)除左我,你還有其他興趣或嗜好嗎?
=>最好有啦,唔係第時散左拖時,你就無哂寄託o架啦.
金水姐姐 20-11-200412:11 pm#5



好真wo
鹹魚 20-11-200412:54 pm#6



29)有無一樣運動你懂的呢?
=>講明先,賭波賭馬唔算o架,識跳跳舞氈,咁都得。
30)你可以唔識打機,不過最好俾我打。
=>哎,唔好喊啦,兩個人玩跳舞氈啦。
31)我唔使減肥,所以唔好阻止我食 JUNK FOOD。
=>我要同你玩瘦身男女,一齊食啦,要先肥後減 o架。
32)唔好要求我做道明寺。
=>人遲早會老,會甩頭髮架,不如我做家英哥,你做亞姐,喂,唱首熱咖啡黎聽啦。
33)溫柔不等於依賴。
=>不過都好過姓賴。
34)爽朗不等於無禮貌。
=>過來,過來,要爽就大家互揪三件,爽呀。
35)腌尖聲悶不等於高貴。
=>小心我毒啞你。
36)無主見不等於尊重我。
=>算啦,比你講番你d friends 又話點點點啦.
37)遲到不等於多人追。
=>係啦,咁遲至到,我重點趕九點半同Ada 嘅下一場呀。
38)你打扮得太誇同我去街我會驚。
=>今晚唔係玩扮家英哥同亞姐呀.
39)不要偷偷在我的文件或功課上貼 CUTIE 貼紙。
=>起碼知會聲,等我整定份backup copy.
40)雖然我未必睇到,但內衣最好光鮮乾淨。
=>唔係嘅話,我又會性幻想幫你洗白白o架.


這篇文章最後被 鹹魚 在 20-11-200412:56 pm 編輯
鹹魚 20-11-200401:38 pm#7



41)最好不要日日作 OVERSIZE 的 HIP HOP 的打扮。
=>小心勾到會跌親.
42)無必要不用穿得太性感。
=>淨係我地兩個去打私家枱波就得.
43)是不是任何時候任何場合都需要化妝?
=>不過你o個輪血氣不足,面青青就補啲粉啦.
44)唔好三句唔埋又話要減肥。
=>須知道減肥係女人一生無休止嘅爭戰,唔係淨係用口講嘅,唔,等我幫你食埋個巨無霸.
45)不要在公眾場合怪叫或大驚小怪。
=>要相信”狼來了”嘅故事,留番啲氣等真鹹豬手出現時至大叫.
46)不要 CHECK 我電話的來電顯示。
=>傻仔,電話係唔可以離身o架,道行咁淺就唔好學人去偷食.
47)我都會有女性朋友。
=>你講金水姐姐?
48)我唔想知你同你舊男友的事。
=>不過至緊要唔好借錢比佢.
49)你都最好也不想知道我和我舊女友的事。
=>大家做情人要有品o架,保持專業道德好啲.
50)我想講 I LOVE U 的時候自然會同你講。
=>重會送埋花添.

嘩,金水姐姐唔知o係邊度 cut and paste 啲咁損害男性地位嘅文章o黎,
回應都回應死呀
金水姐姐,小心自己睇得多中毒,唔要男友,淨要女友,好似 lamic 咁
金水姐姐 23-11-200407:27 am#8



我會好好考慮一下,可能會左手會更好!
鹹魚 23-11-200401:26 pm#9



左手會更好?即係點好呀?
顯示 9 個結果,以上為 1 - 9
1

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄