借你門匙

論壇註冊
標題版主--
訂閱上一篇下一篇
andywtc 10-11-200408:05 am#1



一對熱戀中的男女, 如果方便的話, 通常女朋友都會去男朋友的家. 有時看VCD, 有時煮飯, 有時過夜. 日子久了, 如果女朋友擁有男朋友家的門匙, 這表示了女的可以隨時上男的家. 門匙 - 此時代表男方對女方的一種肯定和信任. 因為如果分手了, 不甘心的女方便可以隨時找男方算帳. 加上如果男方是花花公子, 後果也可以很嚴重. 因此作 ”借你門匙” 的舉動前, 男方必須三思而後行. 當然, 如果男方是十分認真的話, 可能根本沒有甚麼需要擔心. 但世事難料, 總會有離離合合的日子. 預到EQ 低的伴侶, 還是有理由擔心的.

無論如何, 男方借門匙給女方, 表示了大家的關係. 換句話說, 男方是樂意讓女方成為自己生活的一部份. 同時肯定了她的地位, 肯定了你對她的信任. 有一天, 如你必須和她分手, 你會怎樣處理那條借了給她的門匙呢? 忘記它? 還是有借有還?

忘記它的話, 這表示了連女方也可以忘記. 男方根本沒有想到女方以後還會出現, 更加不用說那一條小小門匙. 開口問她還的話, 就等於恨恨地告訴她你在乎那一條門匙多於她. 如果女方放得開, 門匙還你是很容易. 否則, 在你取回門匙前, 你必須接受女方憤怒的洗禮. 其實, 如果愛情是理智的話, 在分手那天說聲: 還你門匙! 大家會不會好過些呢?



這篇文章最後被 andywtc 在 15-11-200410:39 pm 編輯
鹹魚 10-11-200412:58 pm#2



就算個女仔俾番條鎖匙你,你又點知佢有無之前配過後備匙
所以,為人為己,最簡單就係換個門鎖,之後 just in case 你屋企有事,
都一定同對方無關
andywtc 11-11-200401:55 pm#3



咁你有無換過鎖呀? 定係你從來無借鎖匙比女友呢? 你試過未呀??

多謝分享!!
鹹魚 11-11-200402:54 pm#4



以前o係香港係一屋多伙 (三房客), 所以係唔可以將鎖匙比人o既,
但係就算自己一個人住, 我都唔會將鎖匙比女朋友,
訂o左婚就唔同, 因為大家都知道關係去到咩地步.
以前有個同學就係將鎖匙比o左女朋友, 到要分手時,
佢女朋友擰住條鎖匙, 喊到死吓死吓咁, 搵我o地o黎評理,
話鎖匙都比o埋, 點解個男仔會唔要佢, 我唸女仔當鎖匙身等於委身,
若果你唔係唸住同人結婚, 唔好比將鎖匙比人
金水姐姐 12-11-200401:23 pm#5



同意.....
門匙可以等同於承諾
不能輕易給人
小小小天使 15-11-200410:39 pm#6



是呀,可以咁講
小豆丁 22-11-200504:35 pm#7



離開

門匙 ....... 放荼凡、信箱、地毡底 .........
金水姐姐 25-11-200510:12 pm#8



key要好好放
鹹魚 26-11-200512:22 am#9



新式門鎖用手指紋辨識.
金水姐姐 26-11-200512:47 am#10



好喎
如三秋兮 26-11-200511:18 pm#11



分手既話直接刪除資料就得...
金水姐姐 27-11-200501:06 am#12



..........
andywtc 02-12-200511:03 am#13



有時覺得門匙就好比戒指, 是一個承諾. 如果可以的話, 分手那天, 我寧可選擇將她的記憶洗掉. 好奇怪, 男人就是相對濫情, 對於曾經相愛的人是有一種懷念, 好像有點不忍洗掉自己對她的回憶. 或者, 留低門匙給她, 讓自己有機會懷念一下曾經有一個值得承諾的女子出現. 取回門匙的話, 懷念的感覺就相對減少. 門匙像是信物, 你預備了嗎?
小豆丁 02-12-200511:51 am#14



人腦不是電腦、不是一按掣便可以 delete 一切 .........

就讓曰子遠去,直至患上痴呆症的一天 .........
鹹魚 02-12-200511:51 am#15



o下,你同我地講緊,定係同特定o既一個人講緊呀?

情已逝,男人重比女方keep住條門匙,我只諗到兩個理由:
1.如果係男方飛走女方,或者係和平分手,而重比女方keep門匙,係向全世界表示係和平分手,再見亦是朋友,唔會趕盡殺絕...
2.如果係女方飛走男方,係買個希望女方有回心轉意o既一日,同埋亦同自己講,我未衰哂架,佢出去行o下咋...

但係到有第二個女朋友出現時,就都係換門鎖o既時候,每個門鎖應該只有一個女主人.
顯示 299 個結果,以上為 1 - 15

本討論區的文章 ( 包括轉貼文章 ) 僅代表作者本人或原作者的觀點,與本站立場無關。
對站上會員文章留言之真實性、完整性及立場等,本站不負任何法律責任。
世界美國 
前頁
觀看歷史您沒有任何瀏覽記錄